«Qorǵasta» shekarashylar 209 keli dári-dármek taýyp aldy
ASTANA. QazAqparat - «Qorǵasta» shekarashylar 209 keli dári-dármek taýyp aldy, dep habarlaıdy QazAqparat QR UQK Shekara qyzmetine silteme jasap
«Qorǵas» shekaralyq baqylaý otrıadynyń aýmaǵyndaǵy Halyqaralyq shekara boıy yntymaqtastyǵy ortalyǵynda shekarashylar Qazaqstanǵa kire beris zaldan jalpy salmaǵy 209 kg ıesiz júk taýyp aldy. Ruqsat qaǵazdary joq júk túgelimen Qytaıda shyǵarylǵan dári-dármek eken», - delingen habarlamasynda.
Baspasóz qyzmetiniń málimdeýinshe, taýar ıesi jaqyndap kele jatqan shekarashylardy kórgen kezde júgin tastaı salyp qaship ketken.
Iesiz dári-dármekke hattama toltyrylyp, qujattar «Altynkól» keden beketine tapsyryldy.
