«Qorǵasta» shekaradan kontrabandalyq júk tasýshylar tyıyldy

ASTANA. QazAqparat - «Qorǵasta» shekara beketi arqyly kontrabandalyq júk tasýshylardyń is-áreketi tyıyldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Qarjy mınıstrligi Memlekettik kirister komıtetiniń tóraǵasy Dáýlet Erǵojın málim etti.

«Qazirgi ýaqytta kontrabandalyq tasymaldy uıymdastyrýǵa qatysy bar adamdardy qosa alǵandaǵy barlyq tulǵalardy izdeý baǵytyndaǵy qajetti sharalar júrgizilýde», - dep naqtylady ol.

Onyń atap ótýinshe, «Qorǵas» shekara beketinde azyq-túlik pen turmystyq zattardy kontrabandalyq jolmen tasymaldaý arnasy da joıylǵan. «Biz ary-beri ótetin adamdar sanyn tómendettik. Ol jaqqa júk tasymaldaýshylar ótip, júzdegen keli taýardy beri alyp keletin. Ol, tipti bótenniń múlki. ıAǵnı, muny kontrabandalyq desek te bolady. Olar júkti ákelip bergenderi úshin syıaqy alyp otyrǵan», - dedi komıtet basshysy.

Onyń sózine qaraǵanda, aldyn alý sharalary qolǵa alynǵanǵa deıin sáýir aıynda «Qorǵas» shekarasyn shamamen 110 myń adam kesip ótse, aǵymdaǵy jyldyń maýsym aıynda olardyń sany 74 myńǵa deıin tómendegen. «Buǵan qosa, ary-beri ótetin adamdar sany qysqarǵanyna qaramastan bıýdjetke túsetin tólemder sany 11 mln.-nan 17 mıllıonǵa deıin artty. ıAǵnı, qabyldanǵan sharalar óz nátıjesin bere bastady», - dedi D.Erǵojın.