«Qorǵasta» kedendik tólemaqydan bosatylǵan taýarlardy alyp ótý jeńildetildi
Jeńildikti qoldaný úderisi QR Qarjy mınıstrliginiń Keden odaǵy aıasyndaǵy kedendik shekaralar arqyly ótkiziletin jeke tulǵalardyń menshik ıesiniń qoldanatyn birqatar taýarlaryna kedendik tólemaqy máselesinen jeńildikti qoldaný úderisi týraly buıryǵy negizinde kúshine engizildi.
«Qorǵas» HShSO» AQ halyqaralyq seriktestik jáne ınvestıtsııa basqarmasynyń bastyǵy Kúrbandjan Ahmetovtiń aıtýynsha, «buryn jeke tulǵalardyń qoldanatyn zattary, kıimderi, tósek-oryndary quraldary jáne basqa da zattaryn ekeýden artyq mólsherde alyp júretin bolsa, qazir ol edáýir azaıtyldy».
Bul arqyly «Qorǵas» HShSO arqyly ótýshiler men taýar alyp ótýshiler aıyna bir aq ret oıyn júzege asyrady.
«Kez-kelgen qonaq «Qorǵas» HShSO aýmaǵyna qansha ret kelgisi kelse bolady. Bir ortalyq aýmaǵyna kirgen bir aq múmkindigine jeńildik qoldanylady. Qajet bolsa, Ortalyq aýmaǵynda bir aı jatýyna da múmkindigi bar»,-dep túsindiredi Kúrbandjan Ahmetov.
Aıyna bir retten artyq normadan tys taýar alyp ótilgen jaǵdaıda oǵan kedendik qunyna baılanysty 30 paıyzdyq mólsherde bir rettik tólem alynady. 50 kılogramǵa jáne baǵasy 1 500 eýrodan asatyn normadan artyq zattarǵa ár kılogramy úshin 4 eýrodan tómen emes kólemde tólem aqy belgilenedi.
