Qorǵasta Qazaqstan azamatshasy ishiktiń iri partııasymen ustaldy
ASTANA. QazAqparat - Qazaqstan-Qytaı shekarasynda qymbat ishikterdiń iri partııasyn zańsyz tasymaldaý qylmysynyń joly kesildi, dep habarlaıdy QR UQK ShQ baspasóz qyzmeti.
«Qorǵas» ótkizý beketiniń jasaǵy 26 jastaǵy Qazaqstan azamatshasyn ustady. Onyń qol júgin tekserý barysynda iri kólemdegi teri ónimderi tabyldy.
Azamatsha Qytaıdan Qazaqstanǵa 77 ishik pen jeletke, 22 bas kıim jáne 105 oramaldy zańsyz ótkizbek bolǵan», - delingen habarlamada.
Fakti jaıynda tıisti organdardyń ókilderi habardar etildi.
