«Qorǵasta» halyqaralyq sanatorııalyq-saýyqtyrý ortalyǵy salynady
ASTANA. QazAqparat - «Qorǵas» shekara mańy yntymaqtastyǵy halyqaralyq ortalyǵynda bıyl qazaqstandyq-qytaılyq sanatorııalyq-saýyqtyrý ortalyǵynyń qurylysy bastalady, dep habarlady «Sınhýa».
Agenttiktiń derekterine sáıkes, ortalyq Qytaı jáne oǵan jaqyn ornalasqan elderdiń turǵyndaryna qyzmet etetin bolady.
Josparly bala týý jáne densaýlyq saqtaý isteri komıtetiniń basshysy Tan Dahaıdyń aıtýynsha, sanatorııalyq-saýyqtyrý ortalyǵy «Qorǵas» shekara mańy yntymaqtastyǵy halyqaralyq ortalyǵynyń qytaılyq bóliginde salynady jáne oǵan qytaı, qazaq, uıǵyr, mońǵol, tıbet medıtsınasynyń mamandandyrylǵan emdeý korpýstary engiziledi.
Ortalyq mindetteriniń tizbesine medıtsınalyq zertteý, salaýatty ómir saltyn qoldaý, densaýlyq jaǵdaıyn tekserý, saýyqtyrý qyzmetterin kórsetý kiredi. 60 sharshy metr alań 330 orynmen jabdyqtalady.
