Qorǵasta búlik shyǵarǵandar shartty jazadan bosatyldy
ASTANA. QazAqparat - Almaty oblysynda keden beketinde búlik shyǵaryp, Sybaılas jemqorlyqqa qarsy kúres boıynsha ulttyq bıýro qyzmetiniń ókilderine shabýyl jasaǵandar shartty jazadan bosatyldy, dep habarlaıdy oblystyq sottyń baspasóz qyzmeti.
Almaty oblystyq sotynyń Qylmystyq ister jónindegi sot alqasynyń 2016 jylǵy 22 sáýirdegi qaýlysymen QR QK-niń 293-babyniń 2-bólimi, 380-babynyń 1-bólimi, 407-babynyń 2-bólimi boıynsha sottalǵan Sh.B. Alǵaıdar, A.M. Álimhan, K.K.Muhamedjanov jáne A.Tólebekulyna qatysty úkim ózgertildi, shartty aıyptaý joıyldy.
Eske sala keteıik, 2015 jyly 8 sáýirde Almaty oblysy boıynsha Sybaılas jemqorlyqqa qarsy kúres qyzmet Kedendik tergeý basqarmasy tergeý bólimi ShYQO Qorǵas «Shyǵys qaqpasy» keden beketiniń mamany T.N.Bopaýǵa qylmystyq is boıynsha sotqa deıingi tergeý amaldaryn júrgizdi.
T.N.Bopaý ustalǵannan keıin jemqorlyqqa qarsy qyzmet ókilderine azamattyq qyzmetkerler Sh.Alǵaıdar, A. Álimhan, K.K.Muhamedjan, sonymen qatar A.Tólebekuly ózge anyqtalmaǵan tulǵalarmen birlesip kúsh kórsetti.
Quqyq buzýshylyq áreketter saldarynan qyzmetkerler jaraqattanyp, dáıekzat - 50 000 teńge aqsha urlanyp, vıdeokameraǵa zaqym keltirildi. Sonymen qatar, kedendik beket ǵımaratynda búlik shyǵyp, kompıýterlik tehnıka zaqymdalyp, jıhaz syndy.
