Qorǵasta bir top jas jigit tóbeles shyǵardy

TALDYQORǴAN. QazAqparat – «Qorǵas» shekara mańy yntymaqtastyǵy halyqaralyq ortalyǵynyń aýmaǵynda tóbeles boldy, dep habarlaıdy QazAqparat tilshisi.

Jetisý oblystyq Polıtsııa departamenti málim etkendeı, qaqtyǵys 20 men 26 jas aralyǵyndaǵy jergilikti turǵyndar arasynda bolǵan. Tártip saqshylary olardyń kim ekenin anyqtady.
«Tóbeleske qatysqandardyń barlyǵy polıtsııa bólimshesine jetkizildi. Zardap shekkender joq. Oqıǵanyń mán-jaıy anyqtalyp jatyr. Tergeý jalǵasýda, onyń qorytyndysy boıynsha oqıǵaǵa qatysqandardyń áreketine quqyqtyq baǵa beriledi»,- dep habarlady vedomstvodan.
Polıtsııa ókilderiniń aıtýynsha, oqıǵa ornynan travmatıkalyq tapansha tabyldy. Ol tárkilenip, qylmystyq is materıaldaryna tirkeldi.
«Atalǵan isti tergep-tekserýdi oblystyq departament erekshe baqylaýǵa aldy»,- dep atap ótti departamentten.