Qorǵasta 27 shildeden bastap bagajdy tasymaldaý quny ózgeredi
JETІSÝ. KAZINFORM — «Qorǵas» halyqaralyq shekaralyq yntymaqtastyq ortalyǵynyń basshylyǵy bagajdy tasymaldaý tarıfin 1 kelisi úshin 100 teńgege deıin kóterý týraly sheshim qabyldady.
ShYHO baspasóz qyzmetiniń habarlaýynsha, mundaı sheshim Qorǵas aýmaǵynda bagajdy tasymaldaý qyzmetin kórsetetin kompanııalardyń birneshe ret ótinishi negizinde qabyldanǵan.
«Bagajdy qabyldaý/berý boıynsha qyzmet kórsetý sapasyn jaqsartý jáne týrısterdiń/kelýshilerge usynylatyn qyzmetti jaqsartý maqsatynda bagajdyń 1 kelisi úshin bagajdy tasymaldaý tarıfin 100 teńgege deıin arttyrý týraly sheshim qabyldandy. Tarıf 2024 jyldyń 27 shildesinen bastap bagajdy tasymaldaýshylarmen qosymsha kelisimge qol qoıylǵannan keıin kúshine enedi», - delingen habarlamada.
Aıta keteıik, qazirgi ýaqytta júk tasymaldaýdyń kelisi 80 teńge. Bul – Qazaqstan men Qytaı arasyndaǵy saýda-ekonomıkalyq ózara is-qımyldyń negizgi núktesi. Yntymaqtastyq ortalyǵyna kirip-shyǵatyn eki eldiń saıahatshylary negizinen transshekaralyq týrızm jáne shoppıngpen aınalysady.
Osyǵan deıin Qazaqstan-Qytaı shekarasyndaǵy «Qorǵas» yntymaqtastyq ortalyǵy 24 saǵat jumys isteýi múmkin ekeni týraly jazyp edik.
