Qorǵas - Jetigen temirjolyn salý qarqyny erekshe baqylaýda - QR Kólik jáne kommýnıkatsııa mınıstrligi
ASTANA. Shildeniń 28-i. QazAqparat - Shildeniń 27-sinde Almaty oblysynda «Qazaqstan temir joly» UK» AQ birinshi basshylary jáne merdigerlik uıymdar ókilderiniń qatysýymen Qorǵas - Jetigen temirjol jelisin salýdy baqylaý boıynsha kóshpeli shtab otyrysy ótti. Bul týraly QR Kólik jáne kommýnıkatsııa mınıstrligi habarlady.
Qorǵas - Jetigen temirjol jelisiniń uzaqtyǵy 293 km. Joba boıynsha 14 jańa bólek beketterdiń ashylýy qarastyrylǵan. Joba quny 153,2 mlrd.teńge.
Atalǵan joba tehnıkalyq jaǵynan qıyn bolyp tabylady. 29 kópir, 2 jol ótpesi men 307 sý ótkizetin qubyrlardy salý qarastyrylǵan. Jer tóselimin salý boıynsha jumys kólemi 26,8 mln. m3. Qazirgi ýaqytta salynyp jatqan jeliniń uzaqtyǵynda sý ótkizgish qubyrlaryn ornatýmen jer tóselimin salý boıynsha jumystar júrgizilýde.
Shildeniń 27-sine deıin 4,7 myń m3 astam jer tóselimi, 3,6 myń m3 sý qubyrlarynyń temirbeton qurylysy salyndy. Joldyń joǵarǵy qurylysyn salý boıynsha jumystar bastalyp, qumdy-qıyrshyq qospasymen ornyqtyrý jáne rels-shpaldy torlamalar salynýda. 40 myń tonna jańa rels ázirlenip, 29 km rels-shpaldy torlamalar jınaqtaldy.
90 kılometrden 293 kılometrge deıin ýchaskede 14 kópir men jol ótpesi qurylysy, syrtqy qýat jabdyqtaý obektteri men uzyna boıy qýat jabdyqtaý jelileri, Jetigen stantsııasyndaǵy ǵımarattar men qurylystardyń salynýy úshin tehnıkany jumyldyrylýda.
Jobany iske asyrý bastalǵaly qarajattyń jalpy ıgerilýi 9,4 mıllıard teńgeni quraıdy.
Qurylys jumystarynda 1 045 qurylys pen jol tehnıkalary, 1 200 adam jumyldyrylǵan. Jalpy, jobany iske asyrýda on bir merdigerlik uıym qatysýda.
QR Kólik jáne kommýnıkatsııa mınıstriniń buıryǵymen qurylǵan Qorǵas - Jetigen temirjol jelisin salý jobasynyń iske asyrylýyn qadaǵalaý boıynsha shtabtyń jumysy turaqty túrde júrgizilýde. Búgingi kúni qurylys alańdaryn aralaýmen qosa, alty kóshpeli otyrys ótti.
