«Qorǵas» ShYHO: Júk tasymaldaý júıesi retke kelmek
«Qorǵas» ShYHO baspasóz qyzmetiniń málimetine súıensek, kelýshiler sany byltyrǵy jylmen salystyrǵanda eki esege ósken.
«Byltyr ShYHO-nyń qazaqstandyq jaǵynan 1800-ge jýyq adam kirse, qazir bul kórsetkish 3000 týrıstke deıin jetedi. 2017 jyly «Qorǵas» ShYHO qazaqstandyq beketi 1 mıllıon 134 myń adamdy qabyldady. Bul buryn-sońdy bolmaǵan jaǵdaı. Búginde avtobýstar arqyly zańsyz júk tasýshylarmen kúres jumystary qolǵa alyndy. Solardyń kesirinen biraz keptelister oryn alyp jatady», - delingen baspasóz qyzmeti habarlamasynda.
Sońǵy kúnderi engizilgen ózgeriske sáıkes, endi bir jolaýshy ózimen bir ǵana sómke alyp júre alady. Al basqa júkter «Qazposhta» pýnktteri arqyly júzege asady. Bul reglament keden qyzmetimen kelisildi.
«Jazǵa qaraı jańa avtobýs parki ashylmaq. Jańadan 50 avtobýs satyp alynady. Osylaısha, jolaýshylar avtobýsy júk tasymaldaýdan shettetiledi. Ár avtobýsqa júk termınaldary ornatylady. Sondaı-aq, ShYHO qytaılyq jaǵynan júk qabyldaıtyn taǵy 3 ortalyq ashylady dep kútilýde. Jemqorlyq faktilerin barynsha azaıtý jumystary júrgiziledi», - dep málim etti «Qorǵas» ShYHO baspasóz qyzmeti.
«Qorǵas» ShYHO jolaýshylardan ýaqytsha oryn alǵan qolaısyzdyqtar úshin keshirim suraıdy. Jaqyn kúnderi jolaýshylar jáne júk tasymaldaý júıesi retke kelmek.
