«Qorǵas» ShYHO-ynda ótken jərmeńkege 6500-den asa qytaı azamattary keldi
TALDYQORǴAN.QazAqparat - "Qorǵas" Shekara mańy yntymaqtastyǵy halyqaralyq ortalyǵynda ótken jərmeńkege 6500-den asa qytaı azamaty kelip qatysty, dep habarlaıdy QazAqparat tilshisi.
Naýryz merekesine oraı ótken aýyl sharýashylyǵy ónimderiniń jərmeńkesinde otandyq taýar kórmesi de uıymdastyryldy. Oblystyq kásipkerlik jáne ındýstrıaldy ınnovatsııalyq damý basqarmasy men óńirlik "Atameken" kásipkerler palatasy, "Qorǵas" ShYHO qyzmetkerleri uıytqy bolǵan sharaǵa 40-tan asa kásipker qatysty. Olar et, sút, kondıterlik ónimdermen qatar tabıǵı taza bal jəne basqa da azyq-túlik túrlerin kelýshilerge usyndy.
Shekara mańyndaǵy merekede ulttyq oıyndar da shara kórkin qyzdyrdy. Balýandar qazaq kúresinen básekege tússe, at qulaǵynda oınaıtyn bilekti de júrekti jigitter kókpar tartysty. Qos memlekettiń kókparshylary qatysqan dodada otandastarymyz aldyna jan salmady. Al, aýyl sharýashylyǵy ónimderiniń jərmeńkesi aldaǵy ýaqytta da ótetin bolady.
Aıta ketý kerek, 2016 jyly qytaı eliniń tutynýshylary jalpy quny 436 mln dollarǵa qazaqstandyq taýar ónimderin aldy.
