«Qorǵas» ShYHO-nyń eks-prezıdentine qatysty qylmystyq is sotqa berildi
ALMATY. QazAqparat - «Qorǵas» Shekara yntymaqtastyǵy halyqaralyq ortalyǵynyń burynǵy basshysy Vasılıı Nıǵa qatysty qylmystyq is sotqa tústi, dep habarlaıdy QazAqparat.
«Almaty qalasy mamandandyrylǵan qylmystyq ister jónindegi aýdanaralyq sotyna Vasılıı Nı men Mahabbat Saıdýllaevaǵa qatysty qylmystyq is sotqa tústi. Aıyptalýshylarǵa qatysty QR QK 28-baby 5-bóligi (para alýǵa kómektesý), 366-baptyń 4-bóligi (para alý, qylmystyq toptyń uıymdastyrýymen asa iri kólemde para alý) boıynsha is qozǵaldy», dep habarlady qalalyq sottyń baspasóz qyzmetinen.
Quzyrly organdardyń aqparatyna súınsek, V.Nı «Qorǵas» ShYHO» AQ Prezıdenti qyzmetinde 2016 jyldyń jaz aıynda «Tıýlpan Horgos» JShS ókilinen qonaq úı kesheni qurylysyn jeńip alý ınvestıtsııalyq baıqaýynda jeńimpaz ataný úshin 1 mln AQSh dollary kóleminde zańsyz «syıaqy» talap etken.
Oıyn júzege asyrý úshin V.Nı qol astyndaǵy qyzmetker, Investorlarmen jumys bóliminiń basshysy Mahabbat Saıdýllaevany qylmystyq iske tartqan. Ol V.Nıdiń para alýyna járdemdesken.
2016 jyldyń 5 qyrkúıeginde atalǵan adamdar para alý ústinde ustaldy.
Qylmystyq is 7 tomnan turady. Іs boıynsha 14 kýáger bar.
Aldyn ala tyńdaý 23 jeltoqsanǵa belgilengen.
