«QORǴAS» ShYHO-na kúnine 3 myńǵa jýyq adam keledi
TALDYQORǴAN.QazAqparat - "Qorǵas" Shekara mańy yntymaqtastyǵy halyqaralyq ortalyǵyna kelýshiler sany kún sanap ósýde. Kúni keshe olardyń sany eki mıllıonǵa jetken aımaqtyń jumysymen BAQ ókilderi tanysty, dep habarlaıdy QazAqparat tilshisi.
Almaty oblysynyń əkimdigi jəne oblystyq óńirlik kommýnıkatsııalar qyzmeti uıymdastyrǵan sharaǵa respýblıkalyq jəne oblystyq BAQ ókilderi, memlekettik mekemelerdiń baspasóz qyzmetkerleri jəne blogerler qatysýda. Eki kúnge jalǵasatyn shara barysynda Uıǵyr jəne Panfılov aýdandarynda issapar jalǵasady. Búgin sharaǵa qatysýshylar "Qorǵas" ShYHO-da boldy. Halyqqa qoljetimdi saýda-sattyq aımaǵynda taýarlar naryq baǵasynan birneshe ese arzan baǵamen saýdalanýda. Orta eseppen bul jerge kúnine 2500 -3000 adam keledi. Bıyl Qazaqstan tarapynan kelýshiler sany 830 myńnan asady degen boljam bar. Al 2015 jyly olardyń sany jarty mıllıonnan asqan.
Qatysýshylar "Qurǵaq porttyń" jumysymen de tanysty. «Qorǵas» arnaıy ekonomıkalyq aımaǵynda júk tasymaly artýda. 2020 jylǵa qaraı munda jylyna 5,5 mıllıon tonna júk tasymaldanady dep josparlanýda. Uly Jibek jolyna qaıta qan júgirtken iri joba nátıjesinde Ortalyq Azııa jáne Eýropa elderine taýarlar jyldam jetkizilýde. Konteınerlik poıyzdar qozǵalysy qarqyndy júrip jatyr.
BAQ ókilderi bolashaqta turǵyndar sany 100 myńnan asatyn "Nurkent" qalashyǵynda da boldy. Eki kúnge sozylatyn shara aıasynda olar Uıǵyr aýdanyndaǵy bekire tuqymdas balyqtardy ósirip, kóbeıtetin "Tengrıı fısh" JShS jumysymen tanysady.
