«Qorǵas» ShYHO aýmaǵynda jańa nysandar salynady
ASTANA. QazAqparat - 14 shilde kúni «Qorǵas» ShYHO aýmaǵynda boı kóteretin jańa ınvestıtsııalyq nysandardyń qurylysy jóninde kelisimderge qol qoıý sharalary ótti, dep habarlaıdy «QazAqparat» HAA.
«Qorǵas» ShYHO» AQ baspasóz qyzmeti habarlaǵandaı, «Qorǵas» ShYHO» AQ jáne «Happyland Khorgos» JShS, «Qorǵas» ShYHO» AQ jáne «Premium Construction» JShS arasynda ınvestıtsııalyq kelisimder jasaldy. «Qorǵas» ShYHO» AQ prezıdenti Qaharman Djazın jasalǵan kelisimderdiń Almaty oblysy ákimi Amandyq Batalovtyń sońǵy maýsym aıyndaǵy tapsyrmalarynyń ishindegi eń mańyzdysy ekendigin atap ótti. Ol jınalǵandarǵa barlyq jumystar qurylys talaptary men erejelerine saı bolýyǵa tıis ekendigin eskertti.
«Oıyn-saýyq jáne saýda ınfraqurylymdaryn damytý týrıster legin yntalandyrady, bul rette qonaqúıler qyzmetine suranys artady. Eger týrıster ortalyqta uzaq ýaqytqa qalǵylary kelse, birshama qıyndyqtar týyndaıdy. Óıtkeni, eń jaqyn qonaqúıler tek Jarkentte, onyń ózi 30 km qashyqtyqta», - dedi «Premium Construction» JShS dırektory Tólegen Qarlybaı.
Júrgizilgen ınvestıtsııalyq baıqaýlar barysynda tórt ınvestormen kelisimder jasaldy.
