«Qorǵas -Shyǵys qaqpasy» aımaǵynda azyq túlik kesheni kelesi jyly salynady

ASTANA. QazAqparat - «Qazaqstan temir joly» UK» AQ basshysy Qanat Alpysbaev Sıanıan qalasynyń (QHR) Halyq Úkimeti partııa komıtetiniń hatshysy ıÝe Lıanmen kelissóz júrgizdi, dep habarlaıdy kompanııanyń baspasóz qyzmeti.

Kezdesý barysynda qytaı taraby «Qorǵas-Shyǵys qaqpasy» AEA aýmaǵynan kelesi jyly azyq-túlik kesheni qurylysyn bastaýǵa múddelilik tanytty.

ıÝe Lıanniń aıtýynsha, qytaı kásipkerleri AEA damytýǵa Shyǵys-Batys baǵdarymen Qytaıdan shyǵatyn júkterdi Qazaqstan aýmaǵy arqyly tasymaldaýǵa tranzıttik baǵdardyń qolaılyǵyna nazar aýdaryp otyr.
Q. Alpysbaev kórshiles eldiń iri komapnııalarymen iskerlik qarym-qatynastyń yrǵaqty damyp kele jatqandyǵyn atap ótti. Olardyń qatysýy «Qorǵas-Shyǵys qaqpasy» AEA damytýǵa sonymen qatar «Nurly jol» memlekettik baǵdarlamasy men «Jibek joly ekonomıkalyq beldeýi» bastamashylyǵyn júzege asyrýǵa serpin beretindigine toqtaldy.
«Qazaqstan taraby qytaılyq seriktesterine qolaıly ınfraqurylymdyq jaǵdaı jasap, logıstıkalyq qyzmet kórsetýge daıyn» ekendikterin bildirdi.