«Qorǵas» Shekara yntymaqtastyǵy halyqaralyq ortalyǵy» aktsıonerlik qoǵamynyń prezıdenti bolyp Ǵabdolhákim Jáshibekov taǵaıyndaldy
ASTANA. Tamyzdyń 12-si. QazAqparat - Jalǵyz aktsıonerdiń buıryǵymen «Qorǵas» Shekara yntymaqtastyǵy halyqaralyq ortalyǵy» aktsıonerlik qoǵamynyń prezıdenti bolyp Ǵabdolhákim Jáshibekov taǵaıyndaldy, dep habarlady kompanııanyń baspasóz qyzmetinen.
Ǵ.Jáshibekov 1959 jyly týǵan. KSRO ІІM Qaraǵandy joǵarǵy mektebin, RF ІІM Akademııasyn bitirgen. Qazaqstan Respýblıkasynyń memlekettik organdarynda birqatar basshylyq laýazymdar atqarǵan. QR Prezıdenti Ákimshiligi Memlekettik-quqyq bóliminiń sektor meńgerýshisi bolyp qyzmet etken. Qarjy polıtsııasy agenttigi tóraǵasynyń orynbasary bolǵan. Ádilet mınıstrliginiń Qylmystyq-atqarý júıesi komıtetin basqarǵan. «Alprof» konsortsıýmy dırektorlar keńesiniń tóraǵasy bolǵan. Ádilet general-maıory.
«Qorǵas» Shekara yntymaqtastyǵy halyqaralyq ortalyǵy» memlekettiń 100 paıyz qatysýymen qurylǵan aktsıonerlik qoǵam bolyp tabylady.
