«Qorǵas» ótkizý beketinde 620 aqbóken múıizin Qytaıǵa zańsyz áketpek bolǵandar ustaldy
ASTANA. KAZINFORM- Ulttyq qaýipsizdik komıteti Shekara qyzmetiniń áskerı qyzmetshileri 20 qazanda «Qorǵas» shekara mańy yntymaqtastyǵy halyqaralyq ortalyǵynda Qytaıǵa 620 aqbóken múıizin zańsyz áketý áreketiniń jolyn kesti.
QR Ulttyq qaýipsizdik komıteti baspasóz qyzmetiniń habarlaýynsha, tárkilengen derıvattardyń qara naryqtaǵy quny shamamen 180 mln teńge bolýy múmkin.
Osy faktige qatysty materıaldar protsestik sheshim qabyldaý úshin quzyretti organǵa beriledi.
QR Qylmystyq-protsestik kodeksiniń 201-babynyń 1-bóligine sáıkes ózge aqparat jarııa etilmeıdi.
Osyǵan deıin kıik múıizi 4 tamyzdan bastap jańa erejeler boıynsha satylatynyn týraly jazdyq.
