«Qorǵas» ótkizý pýnkti kópjaqty qatynasqa arnalǵan avtokólik pýnkti tizimine kirgizildi
ALMATY. 29 maýsym. QazAqparat - Qarjy mınıstrliginiń Kedendik baqylaý komıteti «Qorǵas» ótkizý pýnkti Qazaqstan-Qytaı ýchaskesinde kópjaqty qatynasqa arnalǵan avtokólik pýnkti tizimine kirgizilgendigin habarlady.
Qazaqstan Úkimetiniń 2004 jylǵy 27 aqpandaǵy № 238 qaýlysyna sáıkes, «Qorǵas» ótkizý pýnktinen, Qazaqstannyń memlekettik shekarasy arqyly jaıaý júrginshilergejúrip ótýge ruqsat etilmegen. Memlekettik shekara arqyly ótýshiler «Qorǵas» ótkizý pýnktine jolaýshy avtobýstarmen kelip, Úkimettiń 2011 jylǵy 2 shildedegi № 767 qaýlysymen bekitilgen Jolaýshylardy jáne qol júkterin kólik quralymen tasymaldaý qaǵıdasyna sáıkes júrýi tıis. Qaǵıdaǵa sáıkes jolaýshylardy tasymaldaý tek júrý bıletteri arqyly júrgiziledi. Jolaýshylardy bıletsiz alyp júrý jáne de avtobýstaǵy otyrýǵa arnalǵan oryndyqtardan tys artyq jolaýshy adam alýǵaqatań tyıym salynady.
Keden odaǵynyń keden shekarasynda Qazaqstan men Qytaı arqyly jeke tulǵalardy alyp ótý, Qazaqstannyń kólik qatynastary zańnamasyna sáıkes halyqaralyq tasymaldaýmen aınalysatyn avtokólik quraldarymen júrgiziledi. Avtokólik qatynastary zańdylyqtary talaptaryn buzǵan tasymaldaýshylar «Ákimshilik quqyq buzýshylyq» QR Kodeksiniń 476 babyna sáıkes, ákimshilik jaýapkershilikke tartylady. QR Úkimetiniń 2011 jylǵy 2 shildedegi № 767 qaýlysymen bekitilgen Jolaýshylardy jáne qol júkterin kólik quralymen tasymaldaý qaǵıdasy QR Kólik jáne kommýnıkatsııalar mınıstrligi saıtynda www.mtc.gov.kz ornalastyrylǵan.
