«Qorǵas» ortalyǵyn jabý merzimi taǵy da uzartyldy
«Buǵan deıin habarlaǵanymyzdaı, «Qorǵas» halyqaralyq shekara mańy yntymaqtastyq ortalyǵy koronavırýstyń aldyn alý maqsatynda 15 aqpanǵa deıin jabyldy. Osy jaıtqa baılanysty endi ýaqyt merzimi aqpannyń sońyna deıin uzartyldy.
Aıta ketý kerek, Almaty oblysynyń ákimi Amandyq Batalovtyń tapsyrmasyna sáıkes bul ýaqyt aralyǵynda «Qorǵas» HShYO-nyń ǵımaratyna jóndeý jumystary júrgiziledi. Barlyǵyna belgili, ol jerde biraz problemalar bar. Turǵyndar halyqtyń kóptigi saldarynan, keptelis týyndap, túrli qıyndyqtarǵa tap bolatynyn aıtqan edi. Qazir «Qorǵas» ortalyǵynyń jańa basshysynyń aldynda ótkeldi jańǵyrtý tapsyrmasy tur», - dedi Almaty oblysy ákiminiń baspasóz hatshysy Ǵalymurat Júkel.
Esterińizge sala keteıik, buǵan deıin «Qorǵas» ortalyǵynyń 15 aqpanǵa deıin jumysyn ýaqytsha toqtatqanyn habarlaǵan bolatynbyz.
