«Qorǵas» keden beketiniń shekarashylary Qazaqstannan 235 keli nefrıtti shyǵarmaqshy bolǵan er adamdy ustady - QR UQK
ASTANA. 30 mamyr. QazAqparat - QR UQK Shekara qyzmeti «Qorǵas» keden beketiniń shekarashylary jaqynda Qytaıǵa jol tartqan Qazaqstan azamatyn ustady, dep habarlady vedomstvonyń baspasóz qyzmetinen.
Atalǵan azamattyń júgin tekserý barysynda jalpy salmaǵy 235 keli bolatyn qyzyl, jasyl jáne aq tústi 50 nefrıt tasy anyqtaldy. Azamatta nefrıtti Qytaıǵa shyǵarýǵa ruqsat qujattary bolǵan joq.
Qazir kontrabandalyq júk saraptamaǵa jiberildi, tergeýaldy tekseris júrgizilýde.
Esterińizge sala keteıik, 2012 jyldyń 20 mamyrynda atalmysh keden beketinde shekarashylar jalpy salmaǵy 78 kelini quraǵan nefrıt tastaryn ótkizbek bolǵan taǵy bir otandasymyzdy ustady.
