«Qorǵas isi» boıynsha úkim 12 sáýirde jarııalanady
ASTANA. QazAqparat - 2014 jylǵy 12 sáýirde Qylmystyq ister jónindegi mamandandyrylǵan aýdanaralyq áskerı soty «Qorǵas isi» boıynsha ekonomıkalyq kontrabanda faktisine qatysty qylmystyq is boıynsha úkimdi jarııalaıtyn bolady, dep habarlaıdy Qazaqstan Respýblıkasy Áskerı Sotynyń baspasóz qyzmetinen.
«T.N. Qaıyrbaev, B.Á.Otarbaev, T.O. Jaqaev, I.B. Ábdirahmanov, B. Qurmanálıev, Q.J. Artyqbaev jáne taǵy basqalarǵa qatysty qylmystyq is sotqa 2013 jylǵy 12 sáýirde kelip tústi», - delingen habarlamada..
T.N. Qaıyrbaev - QK-niń 235-baby 2-bóligi, 209-baby 3-bóliginiń «b» tarmaǵy, 193-baby 3-bóliginiń «v» tarmaǵy, 24-babynyń 3-bóligi - 193-baby 3-bóliginiń «v» tarmaǵy, 24-babynyń 1, 3 bólikteri - 312 babynyń 5-bóligi; B.Á. Otarbaev - QK-niń 235-babynyń 2-bóligi, 209-baby 3-bóliginiń «b» tarmaǵy, 193-baby 3-bóliginiń «v» tarmaǵy, 312-babynyń 5-bóligi, 24-baby 1, 3 bólikteri - 312-babynyń 5-bóligi; T.O. Jaqaev, I.B. Ábdirahmanov, B. Qurmanálıev - QK-niń 235-babynyń 4 bóligi, 209-baby 3-bóliginiń «b» tarmaǵy, 380-babynyń 2-bóligi, 193-baby 3-bóliginiń «v» tarmaǵy; Q.J. Artyqbaev - QK-niń 235- babynyń 4-bóligi, 209-baby 3-bóliginiń «a, b» tarmaqtary, 193-baby 3-bóliginiń «v» tarmaǵy, 312-babynyń 5-bóligi boıynsha jáne taǵy basqalar sottaldy. Іs materıaldary boıynsha sottalýshylar 7 qylmys epızodyn jasaǵan. Olardyń ishinde uıymdasqan qylmystyq qoǵamdastyqtyń Keden odaǵynyń kedendik shekarasy arqyly asa iri mólsherde ekonomıkalyq kontrabanda jasaýy, ulttyq qaýipsizdik organdary qyzmetkerleriniń bılik pen qyzmet babyn teris paıdalanýy, qarjy polıtsııasy jáne ishki ister organdary qyzmetkerleriniń ómirine qastandyq jasaý jáne asa iri mólsherde para berý, laýazymdyq ókilettikterin teris paıdalaný, aqsha qarajatymen jáne kórineý zańsyz jolmen alynǵan ózge de múlikpen qarjy operatsııalaryn jáne basqa da mámilelerdi jasaý, aldyn ala sóz baılasý boıynsha adamdar tobynyń birneshe márte jáne iri mólsherde atalǵan qarajat pen ózge múlikti kásipkerlik qyzmetti jáne ózge de ekonomıkalyq qyzmetti júzege asyrý úshin paıdalanýy. Qylmystyq is 1576 tomnan jáne kóptegen zattaı dáleldemeden turady. Olardyń ishinde tek qana aıyptaý qorytyndysy aýdarmasymen birge 70 tomdy quraıdy. Qylmystyq is boıynsha aldyn-ala tergeý barysynda 500-den astam túrli saraptama júrgizildi, keden mamandary tyıym salynǵan taýarlardyń kedendik quny boıynsha shamamen 400-ge jýyq qorytyndy berdi. Іs materıaldaryna 398 kompakt-dısk qosa berilgen, olarda arnaıy jedel-izdestirý is-sharalar men jeke tergeý is-áreketteriniń 748 aýdıo- jáne beınejazbasy bar. Aldyn ala tergeý organdary sotqa berilgen 45 aıyptalýshynyń ishinen 42 adamǵa qatysty «qamaý» túrindegi bultartpaý sharasyn tańdady. Aıyptalýshylar - B.K.Aıdarovqa, D.A.Sadybekovke, T.A.Sadybekovke qatysty «eshqaıda ketpeý jáne ózin durys ustaý týraly qolhat berý» túrinde bultartpaý sharasy tańdaldy. Basty sot talqylaýy 2013 jylǵy 20 maýsymda bastaldy. Іs boıynsha tórt memlekettik aıyptaýshy, 35 advokat qatysty, olardyń ishinen 9-y QІJK-niń 71-baby tártibinde sot qaýlysynyń negizinde qatysty. Sot qaýlylarymen sottalýshylardyń jaqyn týystarynyń qatarynan 45 adam sottalýshylardyń qorǵaýshylary bolyp tanyldy. 13 sottalýshy ózderiniń konstıtýtsııalyq quqyqtaryn paıdalanyp, aıǵaqtardy qazaq tilinde berdi. Іs qaralǵan kezde úsh aýdarmashy qatysty. Sot talqylaýynyń negizgi kezeńderi BAQ-ta ýaqtyly jarııalandy. 162 sot otyrysy ótkizildi. Sot 2014 jylǵy 11 naýryzda sot tergeýin aıaqtady. Naýryz aıynyń ortasynan bastap sáýirdiń basyna deıin is boıynsha sot jaryssózderi ótip, protseske qatysýshylardyń barlyǵy sóz sóıleý múmkindigine ıe boldy. Sodan soń sot keńesý bólmesine ketti.
