«Qorǵas isi» boıynsha appelıatsııalyq shaǵymdar 8 shildede qaralady
ASTANA. QazAqparat - T.N.Qaırabaev pen basqa da tulǵalarǵa qatysty qylmystyq is, sottalýshylar men advokatardyń (qorǵaýshylardyń) 2014 jyldyń 12 sáýirindegi mamandandyrylǵan aýdanaralyq áskerı sottyń úkimine baılanysty appelıatsııalyq shaǵymdar 10 maýsym kúni QR qylmystyq ister boıynsha Áskerı sotynyń appelıatsııalyq sot alqasyna túsken, de habarlady vedomstvonyń baspasóz qyzmeti. Іs Qazaqstan Respýblıkasynyń qylmystyq ister boıynsha Áskerı sotynyń appelıatsııalyq sot alqasynyń sýdıasy A.M.Nurbekovke tapsyryldy.
«Qorǵas isi» boıynsha sottalýshylar men advokatardyń appelıatsııalyq shaǵymdaryn qaraý 2014 jyldyń 8 shildesi 10.00 kezine belgilendi. Eske sala keteıik , 2014 jyldyń 12 sáýirinde Almatyda qylmystyq ister boıynsha mamandandyrylǵan aýdanaralyq áskerı sotynyń sýdıasy Sovethan Sákenov «Qorǵas» kedendik beketi arqyly Qytaıdan kontrabandalyq taýar tasymaldaý isi boıynsha úkimdi jarııalady. Sottalǵandar 5 jyldan 17 jylǵa deıin bas bostandyqtarynan aıyryldy. Qylmystyq is boıynsha 45 adamǵa aıyp taǵylǵany belgili. Olardyń ishinde Ulttyq qaýipsizdik komıtetinde jáne kedendik organdarda jetekshilik qyzmet atqarǵandar da boldy. Sottalǵandar uıymdasqan qylmystyq top quryp, Kedendik odaqtyń kedendik shekaralarynan asa iri kólemde ekonomıkalyq kontrabandalyq árekettermen aınalysqan. Qarjy polıtsııasy jáne ishki ister organdarynyń qyzmetkerlerine iri kólemde para bergen, ómirlerine qastandyq jasaýdy oılastyrǵan, sonymen qatar bılikti, ulttyq qaýipsizdik komıteti qyzmetkerleriniń qyzmettik babyn teris paıdalanǵan jáne ádeıi zańsyz joldarmen alynǵan múlikter jáne aqshalarmen qarjylyq operatsııalar jáne basqa da mámileler jasaǵan dep aıyptar taǵyldy.
