«Qorǵas» HShYO prezıdenti eki aıǵa qamaldy
ALMATY. QazAqparat - Almatyda «Qorǵas» halyqaralyq shekaralyq yntymaqtastyq ortalyǵynyń prezıdenti Vasılıı Nıdi eki aıǵa tutqynǵa alý sanktsııalandy, dep habarlady Almaty qalalyq sotynyń baspasóz qyzmeti.
Habarlamamaǵa sáıkes, QR Sybaılas jemqorlyqqa qarsy qyzmet jedel-tergeý tobynyń jetekshisi V.Nıdi qamaýǵa alý túrindegi bultartpaý sharasyna ruqsat surap, Almaty qalasy Medeý aýdany №2 aýdandyq sotyna ótinish berdi.
«Qylmystyq tergeý organy 25.11.1968 j.t. V.V.Nıdi QR QK 366 baby, 4 bóliminde qarastyrylǵan sybaılas jemqorlyqtyń asa aýyr qylmysyn jasaýda kúdikti dep sanaıdy. «Qorǵas» HShYO Prezıdenti jáne memlekettik fýnktsııalardy atqarýǵa ýákiletti adamǵa teńestirilgen tulǵa bola tura, bopsalaý jolymen «Qorǵas-Tıýlpan» JShS-ǵa qatysty ınvestıtsııalyq tender nátıjelerin oń sheshkeni, atap aıtqanda halyqaralyq ortalyq aýmaǵynda 5-klasty qonaqúı keshenin salý jóninde osy JShS-ny jeńimpaz dep dep tanyǵany úshin onyń ókilinen 1 mln. AQSh dollary mólsherinde para alǵan», - delingen habarlamada.
Sot sheshimimen kúdikti V.V.Nıdi eki aıǵa qamaýǵa alý túrindegi shara sanktsııalandy.
