Qorǵas bolashaqta «Qytaı Gollıvýdy» bolmaq - Sınhýa
ASTANA. QazAqparat - Qytaıdyń «Qasqyr jaýyngerler 2» (Wolf Warriors 2) atys-shabys janryndaǵy fılmi ekranǵa jol tartqanyna 12 kún ishinde 3,4 mlrd ıýan (507 mln AQSh dollar) jınap, Qytaıdyń kıno naryǵynda kassalyq tabys boıynsha jańa rekord ornatty, dep jazady Sınhýa.
Dál osy kassalyq qytaılyq fılmniń 14 prodıýseriniń úsheýi - Qytaıdyń «Gollıvýdy» - Sıntszıan-Uıǵyr avtonomdyq aýdanynyń shekaralas Qorǵas qalasynan.
Qorǵas - Qytaı men Qazaqstannyń shekarasyndaǵy iri qurlyq baqylaý-ótkizý beketi - 2014 jyly oǵan resmı túrde qala mártebesi berildi. Ol ejelgi Jibek jolyndaǵy mańyzdy torap bolǵan. Qorǵasty Batysqa shyǵaratyn terezege aınaldyrý maqsatynda Qytaı úkimeti oǵan túrli salalar boıynsha jeńildik beretin saıasat qarastyryp, barlyq baǵyttar boıynsha qalanyń áleýmettik-ekonomıkalyq qyrynan damýyna múmkindik berýde. Sonyń ishinde, kınematografııa, telearna, mádenıet pen buqaralyq aqparat quraldary ındýstrııasy qarqyndy damýda.
Aıta keteıik, qazirgi kezde Qorǵasta jalpy kapıtaly 15 mlrd ıýannan asatyn kınematografııa, telearna, mádenıet pen buqaralyq aqparat quraldary salasyndaǵy 1847 kásiporyn jumys isteýde.
