«Qorǵas» beketinen 100-ge jýyq uıaly telefondy zańsyz alyp ótpek bolǵan azamat ustaldy

ASTANA. QazAqparat - «Qorǵas» ótkizý beketiniń shekara qyzmeti Qazaqstan-Qytaı shekarasynda kontrabandalyq qylmystyń jolyn kesti. Bul týraly QR Kedendik baqylaý komıtetiniń baspasóz qyzmeti habarlady.

Vedomstvonyń málimetinshe, qazaqstandyq shekarashylar 20 jastaǵy qazaqstandyq azamatty 90 uıaly telefondy zańsyz alyp ótpek bolǵan jerinen qolǵa túsirdi.

Ustalǵan adam Qytaıdan Qazaqstanǵa «Mıttsýbıshı-Padjero» markaly kóligimen ótpek bolǵan. Kólikti tekserý kezinde kontrabandalyq taýar júksalǵyshtyń astaryna jasyrylǵany belgili boldy.

Atalǵan fakti boıynsha is quqyq qorǵaý organdaryna jiberildi.