«Qorǵas» beketinde shekarashy soqqyǵa jyǵyldy
TALDYQORǴAN. QazAqparat - Almaty oblysyndaǵy «Qorǵas» shekaramańy yntymaqtastyǵy halyqaralyq ortalyǵynda áskerı qyzmetker men sol ortalyqta jumys isteıtin azamat arasynda kıkiljiń týyndap, sońy tólesben aıaqtaldy, dep habarlaıdy QazAqparat tilshisi.
Qan-josa bolyp jerde jatqan shekarashynyń vıdeosy áleýmettik jelide taraýda.
Almaty oblystyq ІІD baspasóz qyzmeti atalǵan oqıǵany rastady.
«Qazir osy oqıǵaǵa baılanysty 1991 jylǵy kúdikti ustaldy. QR QK-niń 380-baby boıynsha sotqa deıingi tergeý amaldary bastaldy», - dep málim etti atalǵan vedomstvodan.
Aldyn ala boljam boıynsha, áskerı qyzmetker shekara beketinde qujattardy tekserip, ótkizý rejımin qadaǵalap turǵan. Al «Qorǵas» ortalyǵynyń ókili erejege baǵynbaı, shekarashyǵa judyryq ala júgirgen. Soqqyǵa jyǵylyp, esinen tanǵan 1993 jylǵy sarbaz Jarkent qalasyndaǵy aýrýhanaǵa jetkizildi.
