«Qorǵas» basqarýshy kompanııasynyń aktsııasy Jetisý oblysy ákimdiginiń menshigine ótti

TALDYQORǴAN. QazAqparat – «Qorǵas» shekara mańy yntymaqtastyǵy halyqaralyq ortalyǵy» arnaıy ekonomıkalyq aımaǵyn basqarýshy kompanııasynyń aktsııasy Jetisý oblysy ákimdigine berildi, dep habarlaıdy QazAqparat normatıvtik quqyqtyq aktileriniń aqparattyq-quqyqtyq júıesi saıtyna silteme jasap.

«Qorǵas» shekara mańy yntymaqtastyǵy halyqaralyq ortalyǵy» arnaıy ekonomıkalyq aımaǵyn basqarýshy kompanııasy» aktsıonerlik qoǵamy aktsııalarynyń 100 (bir júz) paıyz mólsherindegi memlekettik paketi Qazaqstan Respýblıkasynyń zańnamasynda belgilengen tártippen respýblıkalyq menshikten Jetisý oblysy ákimdiginiń kommýnaldyq menshigine berilsin», - delingen qujatta.

Eske salaıyq, «Qorǵas» shekara mańy yntymaqtastyǵy halyqaralyq ortalyǵy álemdegi epıdemıologııalyq jaǵdaıǵa baılanysty úsh jyl jumys istegen joq. 24 sáýirde jumysy qaıta bastaldy.