«Qorǵas» baqylaý beketinde QR zańyn buzǵan 7 qytaı azamaty ustaldy

ASTANA. QazAqparat - «Qorǵas» baqylaý-ótkizý beketiniń shekarashylary QR mıgratsııa týraly zańyn buzǵan Qytaı eliniń 7 azamatyn ustady, dep habarlaıdy QR UQK Shekara qyzmetiniń baspasóz qyzmetinen.

«Qorǵas» baqylaý-ótkizý beketiniń shekarashylary Qytaı eliniń 7 azamatyn toqtatýǵa májbúr boldy. Elimizden belgilengen ýaqytta shyǵyp ketpegen azamattar jaıaý-jalpylap kele jatqan jerlerinen ustaldy», delingen habarlamada.

Ońtústiktegi «Saryaǵash» shekara otrıadynyń shekarashylary da shekara buzyp elderine qaıtyp bara jatqan 134 Ózbekstan azamatyn ustady.

«Sol sekildi, elimizdiń memlekettik shekarasyn buzyp kele jatqan 130 shekara buzýshy bir mezgilde ustaldy. Olar negizinen Qazaqstan Respýblıkasynyń aýmaqtyq jáne ishki sýlaryndaǵy tártipti, elimizde bolý tártibin jáne memlekettik shekara rejimin buzǵandar bolyp tabylady» dep naqtylanǵan habarlamada.

Atalǵan derekter boıynsha quqyq qorǵaý organdary habarlandyryldy. Ustalǵandar ákimshilik jazaǵa tartylady.