«Qorǵas» arqyly 74 qarakúzen terisinen tigilgen ton alyp ótpek bolǵandar ustaldy

ASTANA. QazAqparat - «Altynkól» keden beketinde televızııalyq «Rapiscan» júıesimen tekserý kezinde Qytaıdan Qazaqstanǵa ótpek bolǵan azamattan 74 qarakúzen terisinen tigilgen ton tabyldy. Bul týraly QazAqparat QR Qarjy mınıstrliginiń Memlekettik kirister komıtetiniń baspasóz qyzmetine silteme jasap habarlaıdy.

Oqıǵa «Qorǵas» shekara mańy yntymaqtastyq halyqaralyq ortalyǵynyń «Altynkól» keden beketiniń jolaýshylar termınalynyń zalynda boldy. Barlyǵy qarakúzen terisinen tigilgen 74 ton alyndy. Aldyn ala esepteýler boıynsha, kedendik alymdar men salyq kólemi 3 mln teńgeden asady.

Osyǵan deıin Almaty-Qorǵas tas jolyndaǵy kólik apatynan eki adam qaza tapqandyǵyn habarlaǵan bolatynbyz.