Qorǵas – Almaty tas jolynda eki kólik órtenip ketti

Jarkent qalasynyń mańynda qatty jyldamdyqpen júrgen eki Aýdı kóligi soqtyǵysyp, oqıǵa ornynda janyp ketti, dep habarlaıdy Kazinform.

Jol apaty 18 qarashada Qorǵas – Almaty tas jolynda boldy. Apattan 5 adam zardap shegip, aýrýhanaǵa jetkizilgen. Aýyr jaraqat alǵan bir jolaýshy medıtsınalyq tekserýden keıin aýrýhanaǵa jatqyzyldy.

– Avtokólikter «Almaty-Qorǵas» tas jolynyń 336 shaqyrymynda soqtyǵysqan. Aldyn ala boljam boıynsha, avtomobıldiń biriniń dóńgelegi jarylyp, nátıjesinde júrgizýshi rólge ıe bolmaı, basqa kólikpen soqtyǵysýǵa jol bergen. Bul jaǵdaı keıinnen eki sheteldik kóliktiń de órtenýine sebep boldy. Órtti oqıǵa ornyna shaqyrylǵan tótenshe jaǵdaı qyzmetiniń órt sóndirýshileri óshirdi», – dep habarlady Panfılov aýdanynyń polıtsııasy.