«Qorǵas AEA - Shyǵys qaqpasy» BÓP-de kedendik deklaratsııalaýy qaıta iske qosyldy
Qazaqstan Respýblıkasy Úkimeti «Qazaqstan Respýblıkasy Úkimetiniń 2012 jylǵy 8 maýsymdaǵy №762 «Qorǵas» shekara mańy yntymaqtastyǵy halyqaralyq ortalyǵynyń qazaqstandyq bóliginde baqylaý-ótkizý pýnktin qurý týraly» qaýlysyna ózgerister men tolyqtyrýlar engizý týraly» 2016 jylǵy 1 qazandaǵy №565 qaýlysyn qabyldady.
Kórsetilgen qaýlysyna sáıkes baqylaý-ótkizý pýnktiniń (budan ári - BÓP) aýmaǵy «Qazaqstan Respýblıkasyndaǵy keden isi týraly Qazaqstan Respýblıkasy Kodeksiniń 243-babyna sáıkes taýarlardy EEO kedendik shekarasy arqyly ótkizý orny bolyp belgilendi.
Kórsetilgen qaýlysy qoldanysqa enýine baılanysty, Almaty oblysy boıynsha Memlekettik kirister departamentiniń «Altynkól» keden beketiniń «Qorǵas AEA - Shyǵys qaqpasy» BÓP-te ShYHO «Qorǵas» arqyly ótkiziletin taýarlar men kólik quraldaryna qatysty eksporttyq ımporttyq operatsııalardyń kedendik deklaratsııalaýy qaıta iske qosyldy.
Sonymen, qabyldanǵan sheshim barlyq zańdy jáne jeke tulǵalarǵa ShYHO «Qorǵas» BÓP-te kedendik rásimderin tapsyrý jolymen, ShYHO aýmaǵy arqyly taýarlardy ótkizýge jol beredi.
Sonymen qatar, qazirgi ýaqytta Qazaqstan Respýblıkasynyń «ShYHO «Qorǵas» qyzmeti máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zań jobasymen jumys júrgizilýde, sonymen EEO-tyń jańa Keden Kodeksiniń jobasyna AEA aýmaǵyna taýarlardy kirgizý jáne shyǵarý kezinde kedendik ákimshilendirý máselelerin retteıtin bólek quqyqtyq normalary engizildi.
Osy sharalar Ortalyqtyń ınfraqurylymdardyń obektilerin salý úshin ınvestıtsııalardy tartý úshin qolaıly jaǵdaılardy jasaýǵa jol beredi, shekaralyq yńtymaqtastyqty odan ári damytý úshin jańa ımpýls beredi
