Qorǵanys jáne áskerı qyzmet salasyndaǵy quqyqtyq olqylyqtar joıylatyn bolady
ASTANA. 19 qańtar. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine qorǵanys jáne áskerı qyzmet máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qabyldady.
Parlament qabyldaǵan qujat Memleket basshysynyń qol qoıýyna jiberiledi.
Zań jobasynyń maqsaty qoldanystaǵy zańnamany «Áskerı qyzmet jáne áskerı qyzmetshilerdiń mártebesi týraly» zańnyń jobasyna sáıkes keltirý bolyp tabylady. Bul rette áskerı qyzmet jáne qorǵanys salasyndaǵy quqyqtyq olqylyqtardy joıý kózdeledi. Sonymen qatar, «Áskerı qyzmet jáne áskerı qyzmetshilerdiń mártebesi týraly» QR Zańynyń jobasynda kózdelgen normalardy iske asyrý maqsatynda QR Eńbek kodeksine, QR Bıýdjet kodeksine jáne Qazaqstannyń basqa da zańnamalyq aktilerine túzetýler engiziledi. Áskerı qyzmetti jetildirý boıynsha engiziletin sharalar bıýdjet qarajatyn únemdeýmen ushtastyra otyryp, jaýyngerlik áskerı bólimderdiń áskerı qyzmetshilerin qamsyzdandyrýdy jaqsartýǵa múmkindik beredi.
Ekinshi oqylym barysynda senatorlar birqatar ózgerister men túetýler engizgen bolatyn. Túzetýlerdiń basym bóligi qorǵanys jáne áskerı qyzmet máselelerin retteýdegi quqyqtyq olqylyqtardyń ornyn toltyrýǵa, zań jobasynyń normalaryn qoldanystaǵy zańnama aktilerine sáıkes keltirýge baǵyttalǵan.
