Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy taǵaıyndaldy
Erkin Shaımaǵambetov 1974 jyly7 maýsymda Qazaq KSR Qyzylorda oblysy Syrdarııa aýdanynyń Tastúbek kentinde dúnıege kelgen.
1998 jyly«Ǵaryshtyq ushý apparattary jáne ekpindetkish blok» mamandyǵy boıynsha Máskeý memlekettik avıatsııalyq ınstıtýtyn bitirdi.
Eńbek qyzmetin 1998 jyldyń naýryzynan Ǵylym mınıstrligi - Qazaqstan Respýblıkasynyń Ǵylym akademııasy Ulttyq aeroǵarysh agenttiginiń «Baıqońyr» ǵarysh aılaǵy basqarmasynda «Baıqońyr» ǵarysh aılaǵy obektilerin paıdalaný sharttaryn baqylaý bóliminiń bas mamany (Baıqońyr qalasy) laýazymynan bastady, 1998 jyldyń qarashasynda atalǵan bólimniń bastyǵy bolyp taǵaıyndaldy.
2005 jyly Qazaqstan Respýblıkasy Bilim jáne ǵylym mınıstrliginiń Aeroǵarysh komıteti «Baıqońyr» ǵarysh aılaǵy basqarmasynyń bastyǵy bolyp taǵaıyndaldy.
2006 jyly Qazaqstan Respýblıkasy Bilim jáne ǵylym mınıstrliginiń Aeroǵarysh komıteti tóraǵasynyń orynbasary bolyp taǵaıyndaldy.
2007 jyldan bastap 2014 jylǵa deıin Qazaqstan Respýblıkasynyń Ulttyq ǵarysh agenttigi tóraǵasynyń orynbasary laýazymynda qyzmet atqardy.
2014 jyldyń 1 qazanynan bastap QR Investıtsııalar jáne damý mınıstrliginiń Aeroǵarysh komıteti tóraǵasynyń orynbasary boldy.
2016 jylǵy 7 qyrkúıekte QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy laýazymyna taǵaıyndaldy.
Marapattary bar: «Eren eńbegi úshin» medali, mereıtoılyq medaldar.
