Qorǵanys mınıstrliginiń ushaqtary Chehııada jańartýdan ótti

NUR-SULTAN. QazAqparat - QR Qorǵanys mınıstrliginiń L-39 oqý-jaýyngerlik ushaqtary Cheh Respýblıkasynda modernızatsııadan jáne kúrdeli jóndeýden ótti, dep habarlaıdy QazAqparat.

Málim etilgendeı, L-39 – kýrsanttardy ushýdyń alǵashqy tehnıkasyna úıretýge arnalǵan ushaqtar. Olar memlekettik qorǵanys tapsyrysynyń sharty aıasynda óndirýshi zaýytqa jóndeýge jiberilgen.

Modernızatsııadan ótken ushaqtyń jańa tsıfrlyq jáne katapýlttik júıesi, obektıvti baqylaýy, baılanys quraldary jáne taǵy basqalary jańardy.

«Bul ushaqta kýrsanttardy úıretemiz. Óz betimen ushý olar úshin asa mańyzdy. Osydan ushý sheberligin ıgerýdiń alǵashqy qadamy bastalady. Budaı keıin olarǵa jaı jáne kúrdeli pılotajǵa, baǵyt boıynsha, bulttarda, tómen bıiktikte ushýǵa ruqsat beriledi», – dedi avıatsııalyq oqý-jattyǵý ortalyǵynyń komandıri Azamat Asanov.

Qazir jańǵyrtylǵan ushý apparattarynda Áýe qorǵanysy kúshteri áskerı ınstıtýtynyń úshinshi kýrs kýrsanttary tájirıbeden ótip jatyr. Ushý bastalǵanǵa deıin bolashaq ushqyshtar ushaqtyń teorııalyq jáne materıaldyq bóligin, ushý jumysyn jáne erekshe jaǵdaılarda áreket etý tártibin retteıtin qujattamany zerdeleıdi. Olarǵa L-39 oqý-jattyǵý jaýyngerlik ushaǵyn meńgerýge tájirıbeli ushqysh-nusqaýshylar kómektesedi.

Foto : gov.kz