Qorǵanys mınıstrliginiń Ortalyq áskerı orkestri Astana kóshelerin áýenge bóleıdi

ASTANA. 5 shilde. QazAqparat - Qazaqstan Respýblıkasy Qorǵanys mınıstrliginiń Ortalyq áskerı orkestri Astana kúnin merekeleý qurmetine Astana qalasynyń turǵyndary men qonaqtary úshin qomaqty baǵdarlama daıyndap, óner kórsetpek.

Búgin 5 shildede saǵat 11.00-den 13.00-ge deıin áskerı mýzykanttar qala ákimdiginiń aldyndaǵy ortalyq alańda plats-kontsert ótkizedi.

Al keshke saǵat 18.00-den 20.00-ge deıin sol jaq jaǵalaýdaǵy «Báıterek» kesheni janynda Band-marafon bolady.

Kelesi kúni, 6 shildede tańerteńgi saǵat 11-de Qorǵanys mınıstrliginiń Ortalyq áskerı orkestri Respýblıka dańǵyly boıynsha marsh-parad jasaıdy. Mýzykalyq sherýdiń basy Samal shaǵynaýdanynan bastalyp, al sońǵy núktesi ákimdik janyndaǵy ortalyq alań bolmaq.

Tústen keıin Ortalyq áskerı orkestr basqa tvorchestvolyq ujymdarmen birge Qazaq Eli alańyndaǵy gala-kontsertke qatysady.

Óner kórsetý barysynda áskerı marshtar men klassıkalyq áýender áýelep, qazirgi zamanǵy kompozıtsııalar da oınalatyn bolady. Astanalyqtar áskerı mýzykanttardyń kásibı sheberlikterin óz kózderimen kóre alady, dep habarlady Qorǵanys mınıstrliginiń baspasóz qyzmetinen..