Qorǵanys mınıstrliginiń Qurmetti qaraýyl rotasy Jeńis Paradyna qatysý úshin Máskeýge attanady
ASTANA. Sáýirdiń 29-y. QazAqparat - Qazaqstan Respýblıkasy Qorǵanys mınıstrliginiń qurmet qaraýyl rotasy Jeńis Paradyna qatysý úshin sáýirdiń 30-ynda Máskeýge attanady.
Qyzyl alańmenen Qazaqstan armııasynyń 70 sarbazy júrip ótedi. Eki aı boıy sappen júrý sheberlikterin shyńdaǵan sarbazdar Máskeýde Máskeý garnızony áskeriniń paradqa qatysatyn jasaqtarynyń taǵy úsh jattyǵýyna qatysady. Al mamyrdyń 6-synda Qyzyl alańda basty jattyǵý ótedi, dep habarlady qorǵanys vedomstvosynyń baspasóz qyzmetinen.
«Biz paradqa qatysý qurmetine ıe bolyp otyrmyz. Júktelgen mindetti laıyqty atqaratyn bolamyz», - deıdi paratqa qatysýshy jaýynger Eleman Ótebaev.
«Qazaqstan jaýyngerleri shaıqastarǵa belsendi atsalysqan, sondyqtan da paradqa bizdiń Qarýly kúshterimiz de qatysady. Paradqa shaqyrylyp otyrǵandyqtan elimiz úshin, óz Qarýly kúshterimiz úshin maqtanysh sezimin bastan keshirip otyrmyz»,- deıdi Qazaqstan armııasynyń paradtyq jasaǵynyń komandıri podpolkovnık Qaıdar Qaraqulov.
Alda reseılik jaýyngerlik avıatsııa men antıgıtlerlik koalıtsııaǵa kiretin Ulybrıtanııa, AQSh, Frantsııa, Polsha elderiniń jáne TMD-nyń toǵyz eliniń bólimderi qatysatyn bas jattyǵý kútip tur.
