Qorǵanys mınıstrliginiń basqarma basshylary 92 mln teńgeni jymqyrdy degen kúdikke ilindi
Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov aıtyp berdi.
«Qaraǵandy oblysyndaǵy Sybaılas jemqorlyqqa qarsy qyzmet QR Qorǵanys mınıstrligi QR Qarýly kúshteriniń áskerdi páterge ornalastyrý bas basqarmasy kapıtaldy qurylys basqarmasynyń laýazymdy tulǵalaryna qatysty sotqa deıingi tergeýdi bastady. Olar is júzinde oryndalmaǵan jumys aýqymy úshin oryndalǵan jumys aktisine qol qoıý arqyly «Jezqazǵan qalasynyń jeke radıolokatsııalyq rotasynyń keshendi ǵımaraty» nysanynyń qurylysyna bólingen 92 mln teńgeni jymqyrýda kúdikti boldy», - dedi D. Bıgaıdarov Facebook jelisinde ótken onlaın brıfıngte.
Spıkerdiń aıtýynsha, sotqa deıingi tergeý jalǵasyp jatyr. QR QPK 201-baby 1 bóligine sáıkes tergeý múddesi úshin ózge aqparat jarııalanbaıdy.
