Qorǵanys mınıstrliginiń áskerı-texnıkalyq mektebi 2017 jyldan bastap mamandardy tegin oqytady

ASTANA. QazAqparat - QR Qorǵanys mınıstrliginiń áskerı-texnıkalyq mektebi 2017 jyldan bastap tegin texnıkalyq jáne kásibı bilim berý aıasynda 16 áskerı mamandyq boıynsha oqytýdy bastamaq. Bul týraly búgin ortalyq kommýnıkatsııalar qyzmetinde ótken baspasóz máslıxatynda «QR QM Áskerı-texnıkalyq mektebi» RMKK dırektory general-maıor Vladımır Shatskov málim etti.

«Qazirgi ýaqytta QR Qorǵanys mınıstrligi tegin texnıkalyq jáne kásibı bilim berý aıasynda 16 áskerı mamandyq boıynsha oqytý tapsyrmasy berildi. Aıta ketý kerek, maman daıarlaý qyzmeti bizde eki maqsatta damıdy. Eger biz bunyń aldynda barlyq kategorııalar boıynsha texnıkalyq mamandar daıarlap kelsek, búginde QR Prezıdentiniń tapsyrmasyn oryndaý úshin materıaldyq-oqytý bazamyzdy túzedik. Endi aspazshy, naýbaıshy, slesar, dánekerleýshi syndy mamandyqtar boıynsha oqyta beremiz», - dedi ol.

Eske sala keteıik, Qazaqstan Prezıdenti N. Nazarbaev Halyqqa Joldaýynda tegin texnıkalyq jáne kásibı bilim berýdi 2017 jyly engizýdi tapsyrǵan bolatyn. Onyń aıasynda eń tapshy texnıkalyq mamandyqtar boıynsha oqytý ótkiziledi.