Qorǵanys mınıstrliginiń áskerı medıtsınalyq ortalyǵy 50 jyldyǵyn atap ótti
Ortalyqtar óz isiniń sheberi, bilikti áskerı dárigerler men ǵalymdar jumys isteıdi. Búgingi tańda bul jerde 50 qyzmetker, 11 sarapshy, 9 oqytýshy men joǵary sanatty 6 dáriger qyzmet etýde. Eki qyzmetker medıtsına ǵylymynyń kandıdaty ǵalym dárejesin ıelense, bir PhD dáriger bar.
Ortalyq Azııada teńdesi joq áskerı medıtsına ortalyǵynyń tarıhy 1969 jyldyń 1 qarashasynda Almaty qalasynda Ortaazııalyq áskerı okrýginiń okrýgtik sot-medıtsınalyq zerthanasy qurylǵanda bastaldy. Qazaqstan táýelsizdik alǵannan keıin ony QR QM Ortalyq medıtsınalyq zerthanasy dep atady. Al 2010 jyly mekemege qazirgi ataý berildi.
Mekeme áskerı medıtsına salasynda qosymsha bilim berýdi qamtamasyz etedi,biliktilikti arttyrý jáne kýrstyq daıarlaý salasyndaǵy uıymdastyrý jáne oqý-ádistemelik jumystarǵa jaýap beredi, Qarýly kúshterdiń medıtsınalyq quramyna áskerı-medıtsınalyq daıarlyqta, sot-medıtsınalyq, patologoanatomııalyq, hımııalyq-toksıkologııalyq jáne gıstologııalyq zertteýler júrgizýde ádistemelik jáne praktıkalyq kómek kórsetedi.
2011 jyldan bastap onyń quramyna Qazaqstan Qarýly kúshteri medıtsınasy quramyndaǵy ınternatýra qosyldy. Budan basqa, ortalyq ІІD, Ulttyq ulan jáne QR UQK Shekara qyzmetiniń áskerı qyzmetshilerine medıtsınalyq kómek kórsetýdi úıretedi.
Ujym óziniń jetistikterin maqtan etedi. Jyl saıyn nusqaýshy-oqytýshy quramy áskerı-medıtsına esatfeta boıynsha halyqaralyq saıystarǵa qatysý úshin Qarýly kúshterdiń quramyn daıyndaýǵa qatysady. 2019 jyly bizdiń dárigerler quramyn ІІ orynǵa ıe boldy.
Oqytýshylar quramy BUU mıssııasy úshin bitimgershilik daıyndaýǵa qatysady. Medıtsınalyq qyzmet podpolkovnıgi A. Asylhanov jáne B. Halmýratov jáne aǵa serjant Á. Orazhanov Lıvanǵa attanar aldynda bitimgershilik rotasynyń áskerı-medıtsınalyq daıyndyǵyna qatysty.
Tájirıbe men bilimge qaramastan, áskerı medıtsına ortalyǵy árdaıym damý ústinde. Qazaqstan men AQSh qorǵanys vedomstvolary arasyndaǵy 5 jyldyq yntymaqtastyq jospary negizinde osy jyly ol jaraqattar kezinde medıtsınalyq kómek kórsetý boıynsha ITLS halyqaralyq kýrsyn sertıfıkattaýdan ótip, atalǵan kýrstardy ótkizýge arnalǵan zamanaýı qural-jabdyqtar aldy. Al barlyq nusqaýlyq-oqytýshylar quramy-halyqaralyq úlgidegi its nusqaýshylarynyń sertıfıkattary bar.
