Qorǵanys mınıstrliginiń áskerı ınstıtýtyn alǵashqy túlekter aıaqtady
ALMATY. Shildeniń 10-y. QazAqparat /Erbol Azanbek/ -Búgin Almatyda QR Qorǵanys mınıstrliginiń Almatydaǵy áskerı ınstıtýtynyń alǵashqy túlekterine leıtenant ataǵyn berý sharasy ótti.
Áskerı oqý ornyn bitirgen 41 jastyń 6-y úzdik dıplomǵa ıe bolǵan. Sondaı-aq 90 paıyzy shet eldiń oqý oryndarynda til jetildirý kýrstarynan ótken.
Alǵashqy túlekterdi shyǵaryp salý rásimine QR Qorǵanys mınıstrligi, elshilikterdiń áskerı attasheleri, Qorǵanys mınıstrliginiń ardagerleri qatysty. Atalǵan oqý orny 2004 jyly Shet tilderi áskerı ınıstıtýy retinde qúrylǵan bolatyn. Alǵashqy úmitkerler 2005 jyly qabyldanǵan edi. 2008 jyly QR Úkimetiniń qaýlysymen Qorǵanys mınıstrliginiń áskerı ınstıtýy bolyp ózgertilgen bolatyn. Ózara-is qımyl jónindegi ujymdyq qaýipsizdik kelisim-shartyna qatysýshy memleketterdiń qorǵanys mınıstrleri keńesiniń sheshimimen ınstıtýt kelisim-shartqa múshe elderdiń áskerı mamandaryn daıyndaýshy oqý oryndarynyń qataryna engizilgen.
