Qorǵanys mınıstrliginde Ulttyq ǵylymı keńes qurý usynyldy
Іs-sharaǵa Parlament Májilisiniń depýtattary, «Nur Otan» partııasynyń, memlekettik organdardyń, ǵylymı qaýymdastyqtyń ókilderi qatysty.
QR Qorǵanys mınıstriniń orynbasary general-maıor Talǵat Muhtarov ári qaraı memleket qaýipsizdigin nyǵaıtý, qazaqstandyq armııanyń jaýyngerlik ázirligi men jaýyngerlik qabilettiligin arttyrý týraly Memleket basshysy qoıǵan mindetter aıasynda ótken taqylaýdyń ózektiligin atap ótti.
Áskerı ǵylym salasyndaǵy júıelik «aqtańdaqtardy» atap kórsetken T.Muhtarov QR QK ǵylymı qyzmetiniń tıimdiligin arttyrýdyń basym baǵyttarynyń qatarynda áskerı jáne tehnıkalyq mamandyqtar boıynsha kadrlar daıarlaýdy, ǵylymı-eksperımentaldy baza qurý, otandyq qarý-jaraq pen áskerı tehnıka úlgilerin ázirleýde tehnologııalyq áleýetti paıdalanýdy atady.
Talqylaý barysynda sóz sóılegen QR Parlamenti Májilisiniń depýtaty Abaı Tasbolatov, QR Bilim jáne ǵylym mınıstrligi Ǵylym komıtetiniń tóraǵasy Sansyzbaı Joldasbaev, «Nazarbaev ýnıversıtetiniń» stýdent isteri jónindegi departamentiniń dırektory Asqar Bekjanov, QR QM Ulttyq qorǵanys ýnıversıteti bastyǵynyń orynbasary Muhtar Serikpaevtar áskerı ǵylymdy damytý máselesine degen óz kózqarastaryn bildirip, áskerı ǵylymdy damytýdyń problemalaryn sheshý joldaryn usyndy.
Atap aıtqanda, qorǵanys pen qaýipsizdik salasynda elimizdiń barlyq resýrstaryn aýqymdy ıntegratsııalaý úshin zańnamalyq negizder qurý, memlekettiń áskerı saladaǵy ǵylymı áleýetin keńinen paıdalaný, áskerı ǵylymnyń azamattyq ǵylym sektorymen birigý qajettigi aıtyldy.
Talqylaýǵa qatysýshylar «Qorǵanys jáne qaýipsizdik» baǵyty boıynsha Ulttyq ǵylymı keńes, ǵylymı zertteýlerdi uıymdastyrý áskerı tehnologııalardy engizý ókilettigi berilgen QR QM Áskerı ǵylym departamentin qurý jóninde» usynystar jarııa etildi.
Dóńgelek ústel otyrysynyń qorytyndysy boıynsha tıisti usynystar ázirlendi.