Qorǵanys mınıstrliginde serjanttardy attestattaý máselesi qaraldy
Onyń jumysyna Qarýly Kúshter túrleriniń, óńirlik qolbasshylyqtar men ásker tekteriniń serjanttar keńesiniń tóraǵalary tartyldy.
Otyrys jumysyna Qorǵanys mınıstriniń birinshi orynbasary - QR QK Bas shtab bastyǵy general-polkovnık Sáken Jasuzaqov qatysty
«Serjanttardyń búkilarmııalyq keńesi jalpy armııadaǵy basty organdardyń biri sanalady. Keńes otyrysynda serjanttar qyzmetine qatysty ózekti máseleler talqylandy. Qarýly Kúshterdiń jıyrma jyldyq tarıhynda serjanttar korpýsynyń damyp qalyptasýy úshin orasan zor jumystar atqaryldy. Qysqa merzim ishinde serjanttar ınstıtýtynyń jeke modýli qalyptasty. Sheteldik sarapshylardyń baǵalaýynsha ol álemdegi jetekshi armııalardan kem túspeıdi»,-delingen vedomstvonyń baspasóz qyzmeti taratqan habarlamada.
Búgingi otyrystyń barysynda joǵary serjant quramy kásibı kadrlardy daıarlaý jáne serjant laýazymdaryn jasaqtaýdyń sapasy talqylandy. Serjanttar men ofıtserlerdiń ózara is-qımyldaryn nyǵaıtý týraly usynystar, Kadet korpýsyndaǵy áskerı tártip pen serjanttardy daıarlaýdyń jaı-kúıi qarastyryldy. Sonymen qatar serjanttardyń nazarynan qarý-jaraq pen áskerı tehnıkanyń kúıi, sarbazdar men serjanttardy attestattaý máselesi de tys qalǵan joq.
Qarastyrylǵan suraqtar rotalardan bastap Qarýly Kúshterdiń túrlerine deıin serjanttar keńesterinde tolyq talqylanǵan. Búkilarmııalyq keńestiń qorytyndylary men usynystary serjant korpýsyn bolashaqta jetildire túsýdiń negizi bolyp tabylady.
Qazaqstan Qarýly Kúshterinde serjanttar keńesi budan eki jyl buryn qurylǵan bolatyn. Olardyń basty tapsyrmasy komandırlerge áskerı qyzmetshilerdi jan-jaqty tárbıeleýde kómek kórsetý, áskerı ujymdarda árbir serjanttyń shyǵarmashylyq qýatyn arttyrý bolyp tabylady.