Qorǵanys mınıstrliginde memlekettik qyzmetti qaıta qurý máselesi talqylandy

ASTANA. QazAqparat - Qorǵanys mınıstrliginde Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi uıymdastyrǵan memlekettik qyzmet júıesin ońtaılandyrýdyń ózekti máseleleri boıynsha semınar-trenıng ótti, dep habarlaıdy QazAqparat vedomstvonyń baspasóz qyzmetine silteme jasap.

Semınarǵa Qorǵanys mınıstrligi, Bas shtab basshylyǵy, QR QK túrleriniń bas qolbasshylary, qurylymdyq bólimshelerdiń bastyqtary qatysty. Agenttik tóraǵasynyń orynbasary Aıgúl Shaıymova memlekettik qyzmet júıesin qaıta qurýdyń kókeıkesti máseleleri týraly baıandama jasady.

Semınar barysynda «Qazaqstan Respýblıkasynyń memlekettik qyzmet týraly», onyń ishinde, faktorlyq-baldyq shkala negizinde qurylǵan eńbek tóleminiń jańa júıesin engizý máseleleri turǵysynda QR Zańynyń negizgi jańa engizilimderi qaraldy.



Odan basqa, Agenttik pen Ulttyq bıýrony basqarýdyń qurylymyn ońtaılandyrý jónindegi tájirıbe mysalǵa keltirildi. Atalǵan jumys eń aldymen, 2015 jyly Memleket basshysy aıtyp ótken bes ınstıtýtsıonaldyq reformany iske asyrý sheńberinde júrgizilýde. Reformalardyń alǵashqysy qoǵamdyq jáne memlekettik damýdyń barlyq salalarynda qurylǵan operator retinde kásibı, avtonomdy jáne tıimdi memlekettik apparatty qalyptastyrýǵa baǵyttalǵanyn aıta ketken jón.