Qorǵanys mınıstrliginde áskerı qaýipsizdik máseleleri jónindegi komıssııa otyrysy ótti
Otyrysqa QR Qaýipsizdik keńesi, QR Qorǵanys mınıstrligi men memlekettik organdar ókilderi qatysty.
Jıyn barysynda áskerı baǵyttaǵy spýtnıktik baılanys jáne tehnologııalar navıgatsııasy júıesin engizý, ushqyshsyz ushý keshenderin shyǵarý jáne jasaýǵa biryńǵaı talaptardy belgileý, olarǵa qyzmet kórsetetin jáne qoldanatyn mamandardy daıarlaý, Qarýly kúshter, basqa da áskerler men áskerı qurylymdardyń baılanys quraldaryn damytý, sondaı-aq Kaspıı teńizindegi jaǵalyq ınfraqurylymdy jetildirý boıynsha Qazaqstan Respýblıkasy Prezıdentiniń - Qazaqstan Respýblıkasy Qarýly Kúshteriniń Joǵarǵy Bas Qolbasshysynyń tapsyrmalaryn iske asyrý úshin biryńǵaı tásilder ázirlendi.
Vedomstvoaralyq komıssııa jumysynyń qorytyndysy boıynsha memlekettik organdardyń qyzyǵýshylyǵyn týdyrǵan usynystar keńester pysyqtaldy.
Aıta ketken jón, QR Qaýipsizdik keńesiniń vedomstvoaralyq komıssııasy QR Qaýipsizdik keńesiniń qyzmetin qamtamasyz etý maqsatynda qurylǵan konsýltatıvtik-keńesshi organ.
Komıssııa otyrysy jumys josparyna sáıkes jylyna eki ret ótkiziledi. Onda memlekettik áskerı uıymdarynyń bolashaqtaǵy damýy men máseleleri qarastyrylady.
