Qorǵanys mınıstrliginde áskerdi reformalaý máselesi talqylandy
Memleket basshysy Qasym-Jomart Toqaevtyń áskerdi odan ári damytý jónindegi tapsyrmalaryn iske asyrý konferentsııanyń negizgi taqyryby boldy.
General-leıtenant Rýslan Jaqsylyqov búgingi tańda birinshi kezekte bar kúsh-jigerdi Arnaıy operatsııalar kúshterin, Qurlyq áskerlerin, Áýe qorǵanysy kúshterin jáne aýmaqtyq qorǵanys júıesin damytýǵa baǵyttalǵanyn aıtty.
Áskerlerdiń utqyrlyǵyn arttyrýǵa, zaman talabyna saı qarý-jaraqpen jáne áskerı tehnıkamen jaraqtandyrýǵa, jaýyngerlik daıarlyq, áskerı basqarý, bilim berý jáne kadr saıasaty júıesin jetildirýge, oq-dárilerdi qaýipsiz saqtaýdy qamtamasyz etý jónindegi sharalarǵa, sondaı-aq merzimdi áskerı qyzmettiń bedelin arttyrýǵa erekshe nazar aýdarylý ústinde.
- Qarýly kúshterdiń negizgi damý joldary Ulttyq qaýipsizdik strategııasy men áskerdiń 2030 jylǵa deıingi qurylysy men damý tujyrymdamasynda engizilgen. Joǵarǵy bas qolbasshy Qarýly kúshterdi jetildirý, olardyń jaýyngerlik áleýetin arttyrý mindetin júktedi, - dep atap ótti mınıstr. - Qyzmetti qaıta formattaý boıynsha aıtylǵan sharalardy iske asyrý olardyń jaýyngerlik daıyndyǵyn qoldaýdy jáne keshendi damytýdy qamtamasyz etedi.
Áskerı vedomstvo basshysy ardagerler uıymdary, ardagerlerdiń baı kásibı tájirıbesi armııany jańǵyrtýda úlken qoldaý kórsete alatynyna senim bildirdi.
«Qarýly Kúshterdiń ardagerleri» respýblıkalyq qoǵamdyq birlestigi Ortalyq keńesi tóraǵasynyń orynbasary otstavkadaǵy general-maıor Marat Nuǵymanov ardagerler uıymdarynyń áleýetin paıdalaný áskerlerdi daıarlaý, materıaldyq-tehnıkalyq qamtamasyz etý jáne jeke quramdy Qazaqstan halqyna adal bolýǵa tárbıeleý mindetterin sheshýde tabysqa jetýdiń kepili bolatynyn atap ótti.
Ardagerlerdiń óskeleń urpaqpen jumys isteýge atsalysýynyń mańyzy zor. Memleket basshysynyń tapsyrmasyn iske asyrý aıasynda Qorǵanys mınıstrligi merzimdi áskerı qyzmettiń bedelin arttyrý sharalaryn ázirledi. Bul rette aýqymdy áskerı-patrıottyq jumystar júrgizilý ústinde.
Ardagerler uıymdarynyń quramynda Qazaqstan armııasyn damytýǵa járdemdesýge daıyn, qyzmettik jáne jaýyngerlik tájirıbesi mol myńdaǵan belsendi azamattar bar.
