Qorǵanys mınıstrliginde áskerdi ozyq qarý-jaraqpen jaraqtandyrý máselesi talqylandy

NUR-SULTAN. QazAqparat - Qorǵanys vedomstvosynda general-leıtenant Nurlan Ermekbaevtyń basshylyǵymen Qazaqstan Respýblıkasy Qaýipsizdik Keńesiniń áskerı qaýipsizdik máseleleri jónindegi vedomstvoaralyq komıssııasynyń josparly otyrysy ótti, dep habarlaıdy QazAqparat QR QM silteme jasap

Otyrysqa Qaýipsizdik Keńesi apparatynyń ókilderi, Qazaqstan Respýblıkasy Qarýly Kúshteriniń, basqa da áskerler men áskerı quralymdarynyń, sondaı-aq ortalyq memlekettik organdarynyń basshylyǵy qatysty.

Elimizdiń qorǵanys qabiletin nyǵaıtý, Qarýly Kúshterdiń, basqa da áskerler men áskerı quralymdardyń qurylysy jáne damý máseleleri qaraldy. Sonymen birge armııa múddesi úshin ǵarysh spýtnıkterin paıdalaný, Qarýly Kúshterdiń BUU-nyń bitimgershilik operatsııalaryna (mıssııalaryna) qatysýyn keńeıtý, áskerdi otandyq jáne sheteldik qarý-jaraq pen áskerı tehnıkanyń zamanaýı úlgilerimen jaraqtandyrý, qazaqstandyq qorǵanys ónerkásibi keshenin damytýdyń jekelegen baǵyttary boıynsha baıandamalar tyńdaldy.

Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń qurylysy jáne damýynyń jańa tujyrymdamasyn iske asyrý tetiginiń máseleleri talqylandy.

Otyrystyń qorytyndysy boıynsha múddeli memlekettik organdarǵa usynystar men usynymdar ázirlendi.

Vedomstvoaralyq komıssııa memlekettiń áskerı qaýipsizdigin qamtamasyz etýdiń máseleleri men negizgi baǵyttaryn qaraıtyn konsýltatıvtik-keńesshi organ bolyp tabylady.