Qorǵanys mınıstrligi jemqorlyqpen ustalǵan qyzmetshi týraly: Ol jumystan shyǵarylǵan
Bul týraly QR Qorǵanys mınıstrliginiń baspasóz qyzmeti málim etti, dep habarlaıdy QazAqparat.
«Sybaılas jemqorlyqqa qarsy qyzmet ókilderi para aldy degen kúdikpen Qorǵanys mınıstrligi Aqparattyq tehnologııalar departamenti bastyǵynyń mindetin ýaqytsha atqarýshy, azamattyq qyzmetshini ustady. Atalmysh azamat buǵan deıin qorǵanys vedomstvosynan jumystan shyǵarylǵan.
QR QÁPK-niń 201-babyna sáıkes tergeý múddesi úshin ózge aqparat jarııalaýǵa jatpaıdy. Ásker ómirinde jemqorlyqty joıý úshin Qorǵanys mınıstrligi memlekettik organdarmen birlese otyryp kez kelgen jemqorlyq quqyqbuzýshylyǵyn boldyrmaý maqsatynda josparly jumys júrgizip keledi»,-delingen habarlamada.
Osyǵan deıin Qorǵanys mınıstrligi departamentiniń basshysy para aldy degen kúdikke ilingeni týraly jazdyq.
