Qorǵanys mınıstrligi Úndistan Ulttyq qorǵanys ýnıversıtetinde oqýǵa kandıdattardy iriktep jatyr
Pýna qalasynda ornalasqan áskerı akademııada bilim alýǵa tilek bildirýshiler 15 shilde men 26 tamyz aralyǵynda jergilikti jerdegi áskerı komıssıarıattarǵa barýy tıis. Bul týraly QR Qorǵanys mınıstrliginiń baspasóz qyzmetinen habarlandy.
Bilim alýǵa arnalǵan kvotalar sany shekteýli, akademııa kýrsanty atanýǵa barlyq úmitkerlerdiń ishinen tek bes qazaqstandyq múmkindik alady.
Kandıdattarǵy mynadaı birqatar talaptar qoıylady:
- Úndistan Ulttyq qorǵanys ýnıverssıtetinde oqý nıet bildirýshiniń qabyldaný sátinde boıdaq, 17-23 jas aralyǵynda bolýy tıis;
- orta bilim týraly attestaty bolýy tıis, UBT tapsyrǵany týraly sertıfıkat mindetti emes;
- aǵylshyn tilin erkin meńgergen jáne ony rastaıtyn sertıfıkattary nemese dıplomdary bolýy tıis;
- áskerı-dárigerlik komıssııadan ótý nátıjesi boıynsha kandıdat áskerı qyzmetke jaramdy bolýy tıis;
- úmitkerler tolyq arnaıy tekserýden ótedi.
Qorǵanys isteri jónindegi departamentter qujattardy 2013 jylǵy 26 tamyzǵa deıin qabyldaıdy. Kelesi kezeń - aǵylshyn tilin bilýge testileý jáne dene daıarlyǵy boıynsha synaq tapsyrý. Onyń barysynda úmitkerlerdiń kúshi, shydamdylyǵy men eptiligi tekseriletin bolady. Eki synaq ta Astanada ótedi. Іrikteýden ótken kandıdattarmen Qazaqstan Respýblıkasyndaǵy Úndistan Respýblıkasynyń Áskerı attashesimen suhbat uıymdastyrylatyn bolady.
Barlyq kezeńderden tabysty ótken kandıdattar Qazaqstan Qorǵanys mınıstrligine suhbattasýǵa shaqyrylady. Qorǵanys mınıstrliginiń basshylyǵy bekitken kandıdattar Úndistan Ulttyq qorǵanys ýnıversıtetine oqýǵa keterge deıin tildik daıarlyqtan ótý úshin Qurlyq áskerleri áskerı ınstıtýtyna jiberiledi.