Qorǵanys mınıstrligi UQShU kúshteriniń oryndap jatqan tapsyrmalaryn aıtty
Vedomstvo aqparatyna súıensek, alǵashqy bolyp Qazaqstanǵa 6 qańtar kúni Reseıdiń áskerı kontıngenti bar ushaq kelip qondy. Іzin sýytpaı artynan jedel túrde Armenııa, Belarýs, Qyrǵyzstan jáne Tájikstannan bitimgerlik kontıngentter jetken. Bitimgerlik kúshterdiń jalpy sany shamamen 2500 adamdy quraıdy.
Almatyda tótenshe jaǵdaı sharalaryn qamtamasyz etýge qatysatyn Uıymnyń bólimderi men bólimsheleriniń is-qımylyn úılestiretin UQShU-nyń Ujymdyq bitimgerlik kúshteri shtaby quryldy.
«Elimizde kontıngentti ornalastyrý úshin Ujymdyq qaýipsizdik týraly sharttyń 2 jáne 4-baptary, Bitimgershilik qyzmet týraly kelisim jáne Qazaqstan Respýblıkasy Prezıdentiniń tıisti kómek kórsetý týraly úndeýi quqyqtyq negiz bolyp tabylady.
Bitimgershilik kúshterdiń mandatyna strategııalyq nysandardy kúzetý kiredi. Kontıngentter áýejaılardy, áskerı qoımalardy jáne halyqtyń tynys-tirshiligin qamtamasyz etetin basqa da strategııalyq nysandardyń qaýipsizdigin qamtamasyz etý fýnktsııalaryn júzege asyrady.
UQShU-ǵa múshe memleketter ujymdyq bitimgershilik kúshteriniń áskerı qyzmetshileri terrorızmge qarsy operatsııaǵa tartylmaıdy. Terrorıstik toptarǵa qarsy negizgi is-qımyldardy quqyq qorǵaý organdary men Qazaqstan Respýblıkasynyń Qarýly Kúshteri júrgizedi. Sonymen qatar elde Uıym elderiniń áskerı bólimsheleriniń bolýy Qazaqstan Qarýly Kúshteriniń áskerı qyzmetshileri men basqa da áleýetti qurylymdardyń qyzmetkerlerine tótenshe jaǵdaı rejımin qamtamasyz etý jáne terrorızmge qarsy operatsııany ótkizý jónindegi is-sharalarǵa tolyq kóńil aýdarýǵa múmkindik berdi», - dedi QR Qorǵanys mınıstrliginen.
Eske salaıyq, QR Prezıdenti Qasym-Jomart Toqaev Ujymdyq qaýipsizdik shart uıymyna múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.
«UQShU-nyń Ujymdyq bitimgershilik kúshteri Qazaqstan aýmaǵynda ýaqytsha merzimge kelgenin jáne Qazaqstan tarapynyń ótinishi boıynsha jaǵdaı turaqtalǵannan keıin elden ketetinin atap ótý qajet», - dedi qorǵanys vedomstvosynan.
Aıta keteıik, UQShU-ǵa múshe memleketterdiń bitimgershilik kontıngentteri – bul arnaıy daıyndalǵan áskerı, mılıtsııa (polıtsııa) jáne azamattyq personal, sondaı-aq Uıymǵa múshe memleketter UQShU-nyń bitimgershilik kúshterine beretin kúshter men quraldar. Ujymdyq bitimgershilik kúshterdiń quramy, qurylymy men sany júktelgen mindetterdiń kólemi men shıelenis aımaǵyndaǵy naqty jaǵdaıdy negizge ala otyryp, árbir bitimgershilik operatsııa úshin UQShU Ujymdyq Qaýipsizdik keńesiniń sheshimimen jeke aıqyndalady.
