Qorǵanys mınıstrligi UQK, ІІM jáne UQK Shekara qyzmetimen birlesip atqaratyn qyzmetterin úılestirýdi kúsheıtedi
Oǵan Qazaqstan Respýblıkasy Qarýly Kúshteri Qurlyq áskerleriniń basshylyq quramy qatysty, dep habarlady QR Qorǵanys mınıstrliginiń baspasóz qyzmeti.
Konferentsııada qazirgi zamanǵy geosaıası ózgerister, álemniń kóptegen aımaqtaryndaǵy memlekettik qurylysty shaıqaltýǵa tyrysqan ekstremıstik jáne terrorlyq-separatıstik kúshterdiń belsendi qımylynan týyndap otyrǵan naqty qaýip-qaterlerge barynsha mańyz berildi.
Elbasy - Qazaqstan Respýblıkasy Qarýly Kúshteriniń Joǵarǵy Bas qolbasshysy Nursultan Nazarbaev áleýetti qurylymdardyń basshylarymen kezdesýinde syrtqy syndarly qaterlerdi eskere kele, memlekettiń, qoǵamnyń jáne azamattardyń qaýipsizdigin qamtamasyz etýde Qarýly Kúshterdiń rólin kúsheıtý mańyzdy ekenine toqtalǵan bolatyn. Qorǵanys mınıstrligine Qazaqstandaǵy ishki ahýal turaqtylyǵyn buzý áreketterine qarsy kúreske paıdalanýǵa bolatyn Qarýly Kúshterdiń barlyq múmkindikterin taǵy da taldaýdan ótkizý tapsyryldy.
Ǵylymı konferentsııada sóz alǵandar qarýly qarsylyq túrleriniń meılinshe ózgeriske túskenin atap ótti. Olar búginde klassıkalyq qorǵaný men shabýyldaý jaýyngerlik qımyldardyń meılinshe keń qoldanylatyn túri emes ekenine, onyń ornyn arnaıy jaýyngerlik qımyldar aýystyrǵanyna toqtaldy.
«Biz bul jıynda áli de pysyqtaýdy qajet etetin máselelerdi kóterdik. Nátıjesinde bir baılamǵa keldik, - dep atap ótti Qurlyq áskerleriniń bas qolbasshysy general-leıtenant Murat Máıkeev. - Biz birinshi kezeńde Ulttyq qaýipsizdik organdarymen, Іshki ister mınıstrligimen jáne UQK Shekara qyzmetimen birlesip atqaratyn qyzmetimizdi úılestirýdi kúsheıtýimiz kerek. Arnaıy operatsııalyq kúshterdi zamanaýı qarý-jaraqtyń, baılanys quraldarynyń jáne baqylaý qondyrǵylarynyń úlgilerimen qamtamasyz etýdi aıaqtaý qajet».
Qurlyq áskerleriniń basshylyq quramy óz jumysyn keń taraǵan halyqaralyq tájirıbelerdi eskere otyryp, arnaıy operatsııalyq kúshterdi qoldanýdyń pishini men ádisterin talqylaýmen aıaqtady.